Suaramuslim.net – Halo, jenengku Fihan, kuliah di jurusan elektro. Oh iyo, asline aku iki teko keluarga sing kudu taat agama dan kudu ngelakoni sholat, soale bapakku lulusan SMA Khadijah Suroboyo.

Pas aku jek SMP, aku seneng banget futsal, dadi pas wayahe sore mesti dijak bal-balan konco omah. Dadi mbiyen sering banget ninggalno sholat Ashar secara diam-diam (diam-diam maksudnya itu ibuku gak weruh). Pasti wis podo ngerti kan, full time’e arek bal-balan kampung mbiyen iku guduk 90 menit tapi full time’e arek mbiyen iku adzan Maghrib. Dadi pas wes wayahe pukulane bedug krungu, langsung podo mulih dewe-dewe.

Selain bal-balan, aku pas SMP mbiyen ninggalno sholat iku yo gara-gara dulinan game online pisan. Lek tak iling-iling pancen terlalu aku mbiyen, sampek wani ninggalno sholat Ashar. Aku mbiyen yo sering jukuk duit’e ibuku secara diam-diam, dan duite iku tak gae dulinan game online. Wes yo.. Ojo ditiru, iki duso.

Saiki pas SMK, pasti wes podo ngerti lah arek-arek SMK ndek suroboyo model’e piye. Sing pasti yo ndablek, urakan, kisruh, mbek liya-liyane. Aku pas SMK, Alhamdulillah yo ga sampek katutan karo konco-koncoku sing seneng minuman haram karo ngerokok. Cuma gara-gara keseringan gumbul karo arek-arek SMK nang kelas, aku sering melu cara ngomong karo perilakune koncoku.

Mesio yo tetep ngelakoni sholat 5 waktu, tapi yo ngunu mesti gak tepat waktu dan jarang sholat berjamaah. Kenopo kok aku nakal karo urakan jek iso ngelakoni sholat? Jawabane, soale aku wes kebiasaan sholat ndek omah. Lek misal aku gak sholat pasti bapakku wes ngamuk. Dadi aku yo tetep ngelakoni sholat, meskipun yo gak tepat waktu. Aku SMK mbiyen iku yo seneng banget ndelok band-band Hardcore ngunu. Wes ojok ditiru pokok’e.

Memulai Kehidupan Baru

Saiki pas wis kuliah. Alhamdulillah wis sedikit demi sedikit tak ubah kabeh. Iki gara-gara koncoku pas kuliah, gak senemen urakane koyok koncoku pas SMK. Koncoku kuliah yo sering ngajak sholat nang masjid kampus. Tapi yo ngunu, lagi-lagi masalahe sholat’e gak tepat waktu.

Seng paling terlalu iku pas semester 3, wes mulai jarang sholat nang masjid tapi sholat jama’ah ndek omahe koncoku dan iku sholat’e mesti diundur-undur. Contoh: gara-gara ngerjakno tugas sampek lali durung sholat Ashar. Dadi sholat Ashar’e iku 10 menit menjelang adzan Maghrib. Dadine sholat’e gak khusyu’ terus cepet-cepetan. Lek jareku karo koncoku mbiyen “sing penting wes sholat”. Waduh iku sing tak roso paling fatal.

Nah, saiki awal aku hijrah iku dimulai teko siji pertanyaan sing mesti terbayang-bayang, pertanyaan’e yoiku, “Kenopo yo salah siji tanda kiamat iku wong-wong sing nang dunyo iku gak tau moro nang masjid? Asline, lek eroh kape kiamat kan, wong-wong semakin rajin sholat’e.”

Akhir’e pertanyaanku iku dijawab karo salah siji koncoku, sing Alhamdulillah ngerti ilmune soale tau ndelok video ceramah Ustadz Zulkifli (ustadz akhir zaman). Akhire aku dikandani koncoku.

“Emang bener salah siji tanda kiamat iku wong-wong dunyo wes gak tau moro nang masjid, iku disebabno gara-gara Dajjal. Dajjal iku duwe jurus genjutsu alias duwe sihir seng isok nggarai kene tunduk kepada Dajjal dan melupakan Allah.” Jarene

Alhamdulillah semenjak iku mungkin aku diberi hidayah karo Allah, aku langsung ndelok video ceramah ustadz Zulkifli sing dikei karo koncoku. Semenjak ndelok video iku, aku dadi wedi lek kape kiamat. Soale bakal akeh cobaan menjelang kape kiamat, salah sijine cobaan asap Dukhon kabut tebal yang sangat gelap, terjadi kekeringan, tidak ada makanan, dan teknologi sudah musnah. Mulai teko kono aku wes mulai mikir gae bener-bener memperbaiki sholat karo ngejar pahala sing wakeh.

Selain, ustadz zulkifli onok 1 ustadz maneh sing sangat memotivasi untuk berhijrah yoiku ustadz Hanan. Pertama kali eroh ustadz Hanan iku lewat instagram. Ceramah ustadz Hanan mudah tak terimo mbek selalu memotivasi arek enom gae selalu mohon ampun karo gusti Allah, soal’e mek Allah tok sing sebenar-benar’e Maha Pemaaf. Lek awak dewe beristighfar secara terus-menerus, Allah yo bakalan maafno duso’e awak dewe.

Mulai teko kono dadi sering nge-like postingan ustadz Hanan dan ngajak koncoku gae ndelok video ceramah ustadz Hanan. Alhamdulillah.. Onok koncoku sing nerimo walaupun gak kabeh. Aku karo koncoku sing wis duwe niatan hijrah mulai melu kajian-kajian sunnah daerah Sidoarjo-Surabaya.

Alhamdulillah.. Sangking sering’e melu kajian akhir’e ilmu agama’e awak dewe semakin nambah. Dadi sesuk’e awak dewe pasti iso berusaha untuk mengamalkan ilmu sing dientukno iku.

Salah sijine ceramah sing paling tak iling iku, “Kita harus mengikuti atau mengamalkan sunnah-sunnah Rasulullah Shalallahu Alaihi Wa Sallam.”

Ketika awak dewe gak mengamalkan sunnah Nabi Muhammad opo maneh gae menambah ajaran-ajaran baru. Sing tak wedeni iku awak dewe gak iso minum dari telaga Rasulullah, bayangin ae nang hari hisab awak dewe pasti kehausan opo maneh jarak awak dewe teko matahari iku cidek banget.

Dadi pas awak dewe gak ngamalno sunnah e Nabi opo maneh nambah ajaran sing gak sesuai karo ajaran’e Rasulullah. Pasti rugi nemen. Coba pikiren rek, lek awak dewe patuh, pas ngombe air telogo, pasti awak dewe gak bakal haus selamannya.

Iki salah siji contoh sing tak entuk teko kajian. Mulai teko kono aku mbek konco-koncoku mulai mengikuti sunnah’e Rasulullah, seperti memelihara jenggot, Laa isbal, sholat nang masjid gae laki-laki, berperilaku apik, dan liya-liyane.

Ketika aku wis mulai mengikuti sunnah-sunnah Rasulullah, walaupun gak sik durung kabeh. Aku wis mulai belajar gae istiqomah. Soal’e jenenge ape berjuang istiqomah iku gak semudah membalikno telapak tangan. Kenopo? Soale bakal akeh komen sing iso ndadekno awakmu gak isok istiqomah maneh yoiku teko wong tuo, dulur-dulur. Salah siji komen sing paling tak eleng iku teko wong tuo karo dulur-dulur.

“Celonomu kok cingkrang ngunu, kebanjiran ta? Terus jenggoten, Koyok wong teroris ae.”

Wes intine koyok ngunu lah. Atiku nyobak sabar, tapi yo jujur aku karo mbatin. Rasane iku langsung pengen tak wenehi hadis’e Rasulullah. Tapi aku mikir, rasane jek gurung pantes lah, mosok yo jek enom kape ceramah nang wong tuo, opo maneh ilmu hadisku durung perfect, yawis aku nyobak sabar.

Selain iku sing paling berat untuk istiqomah yoiku sholat qabliyah Subuh dan sholat Subuh berjamaah nang masjid. MasyaAllah, iki ancen bener-bener susah gawe aku pas awal hijrah. Contoh: aku jam 04:00 isuk iku wes sempet tangi dan krungu suara adzan, tapi godaan syetan iku kuat sampek rosone motoku koyok gak kuat melek dan akhire aku keturon maneh, tangi-tangi lah kok wis jam 5 isuk.

Godaan Syaitan

Tapi, aku gak nyerah ngunu ae. Godaan syetan iku kudu dilawan. Akhire, aku masang alarm dengan jarak 30 menit dimulai teko jam 02:30. Jam 03:00 alarm iku engko bunyi lagi, selanjutnya jam 03:30, dan seterusnya. Alhamdulillah, gae cara iki aku isok tangi dan gak turu maneh.

Pas aku wis ngelakoni rutinitas sholat Subuh selama seminggu, secara gak langsung aku isok tangi-tangi dewe tanpa bantuan alarm. Hal semacam iki terjadi, soale awak dewe wes kebiasaan tangi isuk. Semoga tips dan trik iki isok membantu awakmu kabeh lek misal pengen istiqomah sholat Subuh berjamaah nang masjid, Aamiin.

Soal’e suatu saat awak dewe bakal ditakoni karo gusti Allah, urip’e awak dewe iki digae opo ae nang dunyo iki. Ilingo rek, dunia iki mek sebatas permainan. Wes ayo podo ngelakoni amalan-amalan sing bermanfaat, contoh: arek pemuda ayo podo memakmurkan masjid, ojok dolen ae nak café, warkop, mbek liyane sing akeh mudharat’e.

Selanjutnya, ayo podo moco karo ngafalno Al Quran rek. Ojo didadekno pajangan ae nang omah sampek berdebu. FYI yo, lek awak dewe iso dadi hafidz Al Quran, kene iso ngekekno mahkota nang wong tuone awak dewe, mene nang akhirat. Dan ojo lali berusahalah berbakti karo wong tuomu, soale mek dengan cara ngunu awak dewe iso duwe kesempatan besar mlebu nang surga’e. Aamiin.

Ben awakmu semangat istiqomah ngelakoni amalan-amalan sing bermanfaat, mulai saiki golek’o konco sing iso diajak hijrah bareng utowo golek konco sing wes ngerti sunnah. Supoyo lek siji iman e goyah, dadi onok sing ngilingno. Supoyo tetep istiqomah nang dalan’e Allah. Dan sahabatmu sing sholeh iku mene yo isok ngeke’i syafaat gawe awak dewe nang akhirat. Aamiin.

Reporter: Teguh Imami
Editor: Muhammad Nashir